Alina Masina
Alina masina, Tonga ny Mpanavotra;
Indro teraka ao Bethlehema
Ny Mpanjakan’i Jerosalema,
Izay mpamonjy anao
Izay mpamonjy anao
Alina masina, Ny anjely midina
Ka miara-mihoby hoe :
Indro ny fiadanam-be,
Jeso teraka izao
Jeso teraka izao
Alina masina, Nisehon’ny Zanaka;
Ny mazava niposaka,
Ka ny tahotra afaka;
Mifalia izao
Mifalia izao
Anao aho Tompo ô!
Anao aho Tompo ô! Reko ny feonao
‘Zay mitory ny fitiavanao ahy
Nefa mila hatsangan’ny finoana aho
Hanatonako Anao
Fiv:
Tompo ô! Ataovy manakaiky Anao
Sy ny hazo fijalianao aho
Manakaiky izany lanivohanao
Mivoa-drà ka hisaorako
Hafaliana manao ahoana Izany ora iray
Manatrika ny seza fiandriananao
Raha mandohalika hivavaka aho Tompo ô!
Hiresaka aminao sakaizako
Atokany ny fiainako Hanao ny asanao
Amin’ny hery sy ny fahasoavanao
Dia tohano ny fanahiko hibanjina amin’ny toky
Ka izay sitrakao no sitrako
Anao ny dera
Anao ny dera, ry Zanaky ny Ray,
Anao ny fandresena, ry Mpanjakanay
Ny fasana nivoha, noho ny herinao,
Ny Anaranao Tsitoha,tsy voatana tao.
Refrain
Anao ny dera, ry Zanaky ny Ray,
Anao ny fandresena, ry Mpanjakanay
Hinao nandresy, lao re ny fasana ;
Ny fanjakan’ny ota, koa lasana ,
Ny herin’ny Satana, vato nikodia,
Ny Anaranao nandresy, haharitra doria.