Ntaco mfise nireguza

1. Nta co mfise nireguza Atar‘uko wampfiriye,
Kandi yuko wampamagaye: Mucunguzi, nditavye.

2. Gukekeranya ni kwinshi, Mbabazwa cane Mukiza,
N’intambara yo mu mutima; Mucunguzi, nditavye.

3. Sintinyuka no kugeza Kwikurakw‘ ibinyanduje,
Nizigiy’ amaraso yawe; Mucunguzi, nditavye.

4. Naho nd’ umworo nd’impumyi, Ni wew‘ump’ itunga ryawe
Ukampumur’ ukampimbara; Mucunguzi, nditavye.

5. Uranyakira nanduye, Uranyoz’ uramparira;
Kuko nizey’ isezerano Ryawe Yesu, nditavye.

6. Urukundo rwawe rwinshi Runkuyekw ivyantebeje,
Ndakunze kub’ uwawe rwose; Mucunguzi, nditavye.

7. Urwo rukundo mmeny’ ubu Rwanyujuje n’Uhoraho,
Nshikir’ ungab’ unyiganzire; Mukiza, ndishikanye.

 

---

Nyegereza hafi yawe

1. Nd’uwawe Mwami, kuko numvise
Ijwi ryawe ry’ urukundo,
Ariko nifuza kukwizera
No kukwegera rwose.

Ref
Nyegereza hafi yawe, Mukiza,
Hafi y’ umusaraba,
Nyegerez’ urubavu rwawe, Mwami,
Rumwe rwancumitirwa.

2. Unsabishe Mwami, nkuyoboke,
Nshobozwa n’ ubuntu bgawe,
Ivyo ngomba bicik’ivy’ugomba,
Ngutumbere nkwizeye.

3. Eka ndanezerewe ko ndonse
Uko twobonana nawe,
Nd’imbere y’inyundo zawe Mwami,
Tukayaga nk’ incuti.

4. Sinoruha ntahur’urukundo
Rwawe nkiri mu mubiri,
Nzorumenyana n’ umunezero
Ni nashika mwi’juru.

 

---

Nzama nganyira Yes’ ibingoye

1. Nzama nganyira Yes’ ibingoye,
Sinzovyihererana nd’ umwe,
Mmutakambiye yoc’ antabara
Kukw ankunda, nd’ umwana wiwe.

Ref
Nzama nganyira Yes’ ibingoye,
Sinzovyihererana nd’ umwe,
Nzama nganyira Yes’ ibingoye,
Simfis’ uwundi Mutabazi.

2. Nzama nganyira Yes’ ibindusha,
Ni we Mugenz’ arut‘ abandi,
Mbimwiganiye yoc’ abinkiza,
Azondemesha mu mutima.

3. Ndi n’ibindwanya bingerageza,
Ariko mfise n’ Umukiza,
Ivyahora bimbabaza kera,
Vyose nabiremetse Yesu.

4. Is’ irageza kunyosha nabi,
Satan’ akaz’ agir’ ansuke,
Ariko ntakambiy’ Umukiza,
Ampa kunesha nkabitsinda

 

---