Adunay kalinaw’s kalag ko
Kon linaw ang dalan nako sama’s suba
Kon dako ang kagul-anan
Bisan unsa man ang akong kahimtang
Aduna pa koy kalinawan.
Chorus
Adunay kalinaw
Adunay kalinaw’s kalag ko.
Bisan si Satanas maghasmag kanako
Naa pay kasigurohan
Nga si Jesus nagtagad’s kahimtang ko
Ug nihatag sa Iyang dugo.
Bulahan kaayo kining hunahuna
Nga ang tanang sala nako
Sa krus gilansang, ako gibuhian
Dalaygon ang akong Ginoo.
Dios, padalia ang bulahang adlaw nga
Ang gitoohan makit-an
Si Cristo makita, ug mokunsad S’ya
Unta ang adlaw moabot na.
https://www.youtube.com/watch?v=-SyI14-6V1Y
Ang Buot Mo Tumana Jesus
1. Ang buot Mo tumana, Jesus,
Magkokolon Ka, umula ko;
Sa kabubut-on Mo hulma-a,
Samtang gitug-yan ko ang tanan.
2. Ang buot Mo tumana Jesus,
Sulayi ug su-siha ako;
Unya hinlo-i Sa dugo Mo,
Samtang nagalu-hod ko karon.
3. Ang buot Mo tumana, Jesus,
Samdan ug luya nag-ampo ko;
Makagagahum ka sa tanan,
O manluluwas ayoha ko.
4. Ang buot Mo tumana, Jesus,
Ug king kalag ko hari-i na;
Pun-a ako sa Espiritu,
Hang-tod kanako makita ka.
https://www.youtube.com/watch?v=Jcqc78kbxtk
Ang daang Krus
Sa bungtod nga layo, Nagbarog ang daang krus
Ang timaan’s kaulawan
Gihigugma ko’ng krus Kay didto namatay
Si Jesus para’s kalibotan.
Koro
Busa gihigugma ko ang krus
Hangtod moluhod ko Kaniya
Kubtan ko kanang daan nga krus
Hangtod ibaylo sa korona.
Kana nga daang krus Nga gitamayan s’ya
Naay pagdani alang nako
Kay ang Karnero’s Dios Nibiya’s himaya
Aron mamatay sa Kalbaryo.
Diha sa daang krus, Nga namansa’s dugo
Ang katahom nakita nako
Kay diha’s daang krus, Namatay si Jesus
Aron mohatag’s pagpasaylo.
Magmatinumanon Ko ngadto’s daang krus
Ipas-an ko’ng kaulawan
Hangtod kuhaon ko Sa akong Ginoo
Ug mouban N’ya’s kahangtoran.
Ang Dios Nato’ng Gamhanang
Ang Dios nato’ng gamhanang dangpanan
Nga dili g’yud mapakyas
Ang magtatabang nato sa tanang
Kalisdanan nga nagaawas.
Ang kaaway’s tawo nagahasmag nato
S’ya gamhanan kaayo, sa kapungot napuno
Wala s’ya’y patas dinhi’s yuta.
Kung atong kusog ang gisaligan
Atong paningkamot mapildi
Apan aduna tay madapigan
Ang tawo nga sa Dios gipili.
Nailhan S’ya nimo, S’ya mao si Cristo
S’ya ang Dios sa panon
Nga dili gayod usbon
Siya ray modaog sa gubat.
Bisan ang dautan nga kalibotan
Hapit na modaot kanato
Ang tawo’s Dios walay kahalokan
Kay modaog atong Ginoo
Wala tay kahadlok sa atong kabatok
Bisan s’ya gamhanan,
Naay kasigurohan
S’ya ang malaglag’s kataposan.
Kanang Pulonga nga labaw’s tanan
Magpabilin sa kahangtoran
Ang mga gasa ug Espiritu
Gihatag’s Ginoo kanato
Kabtangan biyai ug ang kinabuhi
Bisan patyon kita,
Ang Pulong’s Dios buhi pa
Maghari S’ya sa kahangtoran.