O Tubod sa Panalangin
O Tubod sa panalangin,
Kini akong hangyo ra:
Ang akoang kasingkasing,
Ipaduyog’s Imoha.
Tudloi ko nianang kantahon,
Sa pagdayeg sa Grasya Mo,
Aron akong pagadaygon,
Ang gugma Mo nga dako.
Gidala na ako dinhi,
Pinaagi sa grasya;
Ug sa sama nga paagi
Mouli ko’s Himaya;
Gipangita ko ni Jesus Cristo,
Sa dihang ako nawala;
Aron makaluwas nako,
S’ya mihatag’s dugo N’ya.
Pagkadako’s akong utang,
Ngadto sa Iyang grasya
Apan ang akoang dughan,
Dali mobiya Niya;
Itugot nga ang kamaayo Mo,
Mogapos na sa kalag ko,
Kini nga kasingkasing ko,
Itugyan na Kanimo.
Oh Jesus, Hingpit Nga Gugma
1. Oh Jesus, hingpit nga gugma ug kalooy sa tanan,
Mopuyo ikaw ning dughan ug panalingini ako.
Maloloy-on Ka, Oh Kristo putling gugma man Ikaw;
Ang mga mahinulsolon, luwason Mo ang tanan.
2. Sa Espiritu sa gugma, tugahi karon kami,
Ang tanan nga masulob-on papahulayon Mo man.
Kaibug sa kahilayan, O Jesus papason Mo;
Ikaw ra’ng among paglaum, pagawson Mo na kami.
3. Imong saad mamatuman sa pagputli sa tanan,
Ang pagluwas Mo mahingpit, kon kami maputli na.
Himoa kami Ginoo, ingon sa himaya Mo,
Hangtud lumuhod sa langit among pagdayegon Ka.
Pabilin Ka Jesus, Kauban Ko
Pabilin Ka Jesus, kauban ko,
Hingkagabhian karon Ginoo;
O Mananabang tabangi ako.
O maglilipay, ubani ako.
Kalipay nga yutan-on matapos,
Ang kinabuhi ko hamubo lang;
Tanan mabalhin, tanan madunot;
Way pagkabalhin kanimo, Jesus.
Ikaw gikinahanglan ko gayud;
Ang grasya Mo maoy akong kusog,
Kinsa may lain kong dili ikaw,
Nga mouban sa kalisdanan ko?
Iwagi, Kristo, akong nagbaktas
Sa madulom, mapiut nga dalan
Agaka na, tudloi sa langit,
Ug kanako pabilin Ginoo.
Pagkabulahan ko gayud
Pagkabulahan ko gayud
Kay gimando-an ko sa Dios
Ug bisan unsay buhat ko
Kanunay’ng naga mando S’ya.
Ref
Nagmando S’ya Nagmando S’ya
Nagmando’ng Iya mga kamot
Kanunay’ng sundon ko Siya
Kay S’ya gayud nagmando man.
Usahay dunay kaguol
Usahay malipayon man
Kalinaw o sa kaguol
Gimandoan ako sa Dios.
Mga kamot Mo kuptan ko
Agakon Mo ako O Dios
Sa buhat ug pagpanaw ko
Kanunay’ng nagamando Ka.
Kung buhat ko matapos na
Kung pagdaug makab-ot ko
Bisan kamatayon pa
Pagmandoan Niya ako.
Pagkatahum isaysay
1. Pagkatahum isaysay sa gugma ni Jesus
Ug sa himaya Niya nga nagmasidlakon
Pagkatahum isaysay, kay nasati ko
Ang gugma Nya ni Cristo nga gipangandoy ko
Coro:
Pagkatahum isaysay!v
Maoy akong tinguha
Pagsaysay sa balita
Sa gugma ni Jesus
2. Pagkatahum isaysay sa gugma ni Jesus
Labi pa nga hinandum kay sa bahandi man
Pagkatahum isaysay, kay naluwas ako
Mao kining hinungdan nga ginasaysay ko
3. Pagkatahum isaysay sa gugma ni Jesus
Kay ang modulo Niya kalipay maangkon
Pagkatahum isaysay ang kaluwasan Nya
Kay ang wala masayod angay’ng suginlan ko