Di na ako, ang ituboy si Cristo
1. Di na ako, ang ituboy si Cristo,
Di na ako madayag, madungog;
Si Cristo ra’s matag tan-aw ug lihok,
Sa matag hunahuna’g pamulong.
Ref
O Ginoo, luwasa ako
Ning kaugalingon,
Hangtud nga dili na ako,
Mabuhi si Cristo.
2. Di na ako, ang maghupay’s kasubo,
Di na ako, ang magpahid’s luha;
Cristo ray makahaw-as sa kabug-at,
Cristo ray magkalma sa kahadlok.
3. Cristo gani walay pagtabitabi,
Cristo gani di magkapuliki,
Di magsapayan sa kaugalingon,
Si Cristo ra, way makitang ako.
4. Cristo ray magsangkap’s panginahanglan,
Cristo ray kusog ug kahimsog ko;
Cristo ra’s espiritu, kalag, lawas,
Ikinabuhi Ka na gyud nako.
5. S’ya ra unyay magpuno’s panan-awon,
Makita nang labaw nga himaya;
Si Cristo ray magtuman’s pangandoy ko,
S’ya ray mahimong tanan sa tanan.
Didto Sa Kalbaryo
Hari sa kinabuhi ko,
Mahimayaon ka;
Tultulan mo ako karon,
Balik sa kalbaryo.
Koro
Akong hinumduman gayud,
Mga pag-antos mong tanan;
Kay gihigugma mo ako,
Bisan sa kalbaryo.
Sa imo man nga lubnganan,
Pakit-on mo ako;
Ila nga ginabantayan,
Sa manulonda mo.
Ako tabangi pagpas-an,
Sa akong krus, Jesus;
Kay nakaantus na ikaw,
Didto sa kalbaryo.
Sya si maria man usab,
Gipakitaan mo;
Sa way sulod nga lubnganan,
Jesus pakit-a ko.
Diosnong kalipay, paking-ambitay
Diosnong kalipay, paking-ambitay.
Sa mga bukton pauraray
Kabulahanan ug ang kalinaw
Sa iyang bukton ko hikit-an.
Koro
Pa-u-ra-ray.
Kan’ya may kasiguruhan
Pa-u-ra-ray.
Sa iyang gamhanan nga bukton.
Gipakatam-is ko ang paglakaw,
Sa mga bukton N’ya gisapnay.
Kabulahanan ug ang kalinaw
Sa iyang bukton ko hikit-an.
Wa koy kahadlok ug way kalisang
Sa mga bukton N’ya gisapnay.
Kabulahanan ug ang kalinaw
Sa iyang bukton ko hikit-an.
Dugangi, Ginoo
1. Dugangi, Ginoo,
Ang gugma ko.
Dunggang pag-ampo ko
Nga nagluhod;
Ang hangyo ko kini:
Duganging gugma ko
Alang Nimo,
O Ginoo.
2. Kanhi pangandoy ko
Kakawangan,
Apan Ikaw karon
Tinguha ko;
Pag-ampo ko kini:
Duganging gugma ko
Alang Nimo,
O Ginoo.
3. Tugoting sugo Mo
Nga kasubo;
Magtuman sa buhat
Dinhi nako,
Aron makaawit,
Duganging gugma ko
Alang Nimo,
O Ginoo.
4. Ihunghong pagdayeg,
Bisan pa sa
Ulahing ginhawa
Sa pagpanaw;
Pag-ampo mao ra:
Duganging gugma ko
Alang Nimo,
O Ginoo.
Gigiyahan Ko’s Kanunay
Gigiyahan ko’s kanunay sa Manluluwas nako
Unsa pay nakulang nako nga mangayo’s Ginoo?
Kahupay ug kalinawan nagpuyo’s pagtoo N’ya
Kay nasayod ko nga tanang buhat N’ya maayo pa
Kay nasayod ko nga tanang buhat N’ya maayo pa.
Gigiyahan ko’s kanunay sa Manluluwas nako
Nagpakusog S’ya kanako diha’s pagsulayng dako
Kon ang lakang ko mapandol ug giuhaw’ng kalag ko
Naay tubod sa kalipay’ng nag-awas gikan’s bato
Naay tubod sa kalipay’ng nag-awas gikan’s bato.
Gigiyahan ko’s kanunay sa Manluluwas nako
Aduna koy pahulayan sa balay sa Ginoo
Kon ang kalag ko mobiya ug molupad’s himaya
Magkanta ko’s kahangtoran Gigiyahan ko Niya
Magkanta ko’s kahangtoran Gigiyahan ko Niya.
Gikinahanglan Ka
1. Gikinahanglan Ka,
Maluloy-ong Jesus;
Malomong tingog Mo,
Kalinaw ko.
Koro
Akong gikinahanglan
Sa tanang panahon;
Panalangini karon,
Ikaw duolon.
2. Gikinahanglan Ka,
Pabilin kanako;
Panulay way gahum
Kon duol Ka.
3. Gikinahanglan Ka’s
Kasubo’g kalipay,
Kinabuhi kawang
Kon wala Ka.
4. Sa kabubut-on Mo
Tudloi, Ginoo,
Tumanang saad Mo
Nganhi nako.
5. Gikinahanglan Ka,
Balaan sa tanan;
Imoha na ako,
O Ginoo.