Mwam’ utuvubir’ imvura

1.Mwam’ utuvubir’ imvura,
Nkuko wasezeranye
Twumva twumye mu mitima:
Uduhembuz’ imvura

Gusubiramo
Utuvubir’ imvura,
Iy’ umugisha wawe !
Hahoze hagwa urujojo:
Duh’ umuvumbi wawe !

2.Mwam’ utuvubir’ imvura:
Yaduhembura rwose
Twumva mu matwi irahinda:
Uyidusohozeho !

3.Mwam’ utuvubir’ imvura,
Iducunshumukeho !
Tuje guhabg’ umugisha
Wadusezeranije !

4.Mwam’ utuvubir’ imvura:
Icyamp’ ikagwa vuba,
Ubu tukiri ku mavi,
Tukigutakambira !

 

---

Mwam’ubugingo bwacu

1. Mwam’ ubugingo bgacu ni nk’umusi,
Ni bugufi rwose, ntiburamba,
Ibinezera vyabgo birashira:
Mwam’ udahinduka, tugumane.

2. Gumana nanje, kuk’ umus’ ukuze,
Raba burije ntunsige nd’ umwe.
Nta wundi nizigiye yontabara,
Tugumane Mwami, tugumane.

3. Na ntaryo Mukiza ni wewe ngomba,
Tutabanye Satani yonnesha,
Ububasha bgawe ni bgo bunkiza,
Tugumane Mwami, tugumane.

4. Umpoze hafi nta mwansi notinya,
Kand’ amarushwantiyombabaza,
Warakuyeh’ uruboyi rw’ urupfu,
Tugumane Mwami, tugumane.

5. Mwami, no ku musi nzocikanako,
Nzobon’ ubgiza bgawe mw ijuru,
Ni ho nzoba mvuye mu mwiza w’isi,
No mu rupfu Mwami, tugumane

 

---

N’ impore mu mutima wanje

1. Ubu n’amaboro mu mutima wanje,
Kuko Yesu yankijije,
Kandi har’ ikintu yanyigishije,
N’ uko ntakwiye kwiganyira.

Ref
N’ impore, n’ impore,
N’ impore mu mutima wanje.

2. Satan’ iy’anteye, akandas’imyampi,
Numva mfis’ikindemesha,
Ko Yesu yabonye ko ntokwivuna,
Aranyigura arancungura.

3. Ivyaha vyanje vyarabambge ku giti,
Si bimwe gusa, ni vyose!
Sinkibitwaye, yarabinduhuye,
Iman’ ishimwe, Haleluya!

4. Noneho kubganje kubaho ni Kristo
Kandi singitinya gupfa,
Urupfu narwo, ruzomber’ inyungu,
Yesu yanyujuj’ amahoro.

5. Mw ishikiro ryacu ni mw ijur’ i bgami,
S’epf’i kuzimu, bagenzi!
Twitege kwumv’ inzamba z’Umukiza:
Uzogaruka ryari Yesu?

 

---