N’ impore mu mutima wanje
1. Ubu n’amaboro mu mutima wanje,
Kuko Yesu yankijije,
Kandi har’ ikintu yanyigishije,
N’ uko ntakwiye kwiganyira.
Ref
N’ impore, n’ impore,
N’ impore mu mutima wanje.
2. Satan’ iy’anteye, akandas’imyampi,
Numva mfis’ikindemesha,
Ko Yesu yabonye ko ntokwivuna,
Aranyigura arancungura.
3. Ivyaha vyanje vyarabambge ku giti,
Si bimwe gusa, ni vyose!
Sinkibitwaye, yarabinduhuye,
Iman’ ishimwe, Haleluya!
4. Noneho kubganje kubaho ni Kristo
Kandi singitinya gupfa,
Urupfu narwo, ruzomber’ inyungu,
Yesu yanyujuj’ amahoro.
5. Mw ishikiro ryacu ni mw ijur’ i bgami,
S’epf’i kuzimu, bagenzi!
Twitege kwumv’ inzamba z’Umukiza:
Uzogaruka ryari Yesu?
Ndahevye vyose
1. Yesu, nd’ uwawe, nyakira,
N’ivyanje mfise vyose,
Ngo ngukunde, nkwizigire,
Nkuyoboke Mukiza.
Ref
Ndahevye vyose, Ndahevye vyose,
Yesu nguhay’ umutima, Ndahevye vyose.
2. Yesu, nd’ uwawe, nyakira,
Mpfukamy’ imbere yawe,
Kandi singikunz’ ivy’ isi,
Nyakira Yesu wanje.
3. Yesu, nd’uwawe, nyakira,
Mukiza, ngir’ uwawe,
Tuma Mpwemu Yer’ ambgire
Yuko naw’ ur’ uwanje.
4. Yesu, nd’ uwawe. nyakira,
Mwami, ndakwihereje,
Urukundo n’inkomezi
N’umugisha binzemwo.
5. Ndarons’ akanyamuneza
Kuzuye mu mutima,
Ndaririmba Haleluya
Mw izina ry’ Uhoraho.
Ndakugomba Mukiza we
1. Ndakugomba Mukiza we.
Nta ho mbasha kwijana,
Nifuza k’ umpora hafi,
Ukaj’ urankomeza.
Ref
Sinzogir’ ico ntinya,
Yesu, njan’ ah’ ugombo,
Nta ho nzogenda ngimira,
Ngukurikir’ ah’ uja.
2. Ndakugomba Mukiza we,
Ndiyoroheje cane,
Ni wewe gus’undemesha,
Nta wundi mbizigako.
3. Ndakugomba Mukiza we,
Aho ndi mur’ iyi si:
Mw isegenya no ku zuba,
Mu vyago no mu vyiza.
4. Ndakugomba Mukiza we,
Undongore mu nzira,
Nshitsa kuri Yorodani,
Utek’ urunjabutse.