E Maa Tesiwaju Kristiani Ologun

E maa te siwaju, Kristian ologun,
Maa tejumo mo Jesu t’o mbe niwaju
Kristi Oluwa wa ni Balogun wa,
Wo! asia Re wa niwaju ogun;

Ref
E ma te siwaju, Kristian ologun,
Sa tejumo Jesu t’o mbe niwaju.

Bi egbe ogun nla, n’Ijo Olorun,
Ara, a nrin l’ona t’awon mimo nrin;
A ko ya wa n’ipa, egbe kan ni wa,
Okan ni ireti ni Ekan ni ife.

Ite at’ ijoba wonyi le parun,
Sugbon Ijo Jesu y’o wa titi lai,
Orun apadi ko le bori’Ijo yia,
A n’ileri Kristi, eyi ko le ye.

E ma ba ni kalo, enyin eniyan;
D’ ohun yin po mo wa, l’ orin isegun,
Ogo, iyin, ola fun Kristi Oba,
Eyi ni y’o ma je orin wa titi.

 

---

E wole f’oba, Ologo julo

1. E wole f’oba, Ologo julo
E korin ipa ati ife Re
Alabo wa ni at’eni igbani
O ngbe ‘nu ogo, Eleru ni iyin

2. E so t’ipa Re, e so t’ore Re
‘mole l’aso Re, gobi Re orun
Ara ti nsan ni keke ‘binu Re je.
Ipa ona Re ni a ko si le mo

3. Aye yi pelu ekun ‘yanu Re
Olorun agbara Re l’oda won
O fi id ire mule, ko si le yi
O si f’okun se aso igunwa Re.

4. Enu ha le so ti itoju Re ?
Ninu afefe, ninu imole
Itoju Re wa nin’odo ti o nsan
O si wa ninu iri ati ojo

5. Awa erupe aw’a lailera
‘wo l’a gbekele, o ki o da ni
Anu Re rorun, o si le de opin
Eleda, Alabo, Olugbala wa

6. ‘Wo Alagbara Onife julo
B’awon angeli ti nyin O loke
Be l’awa eda Re, niwon t’a le se
A o ma juba Re, a o ma yin O. Amin.

 

---

E yo ninu Oluwa

Ẹ yọ nínú Oluwa ẹ yọ,
Ẹyin t’ọkan rẹ ṣe dede;
Ẹyin t’o ti Yan Oluwa,
Le ‘banujẹ at’aro lọ.

Refrain:
Ẹ yọ! Ẹ yọ!
Ẹ yọ nínú Oluwa ẹ yọ!
Ẹ yọ! Ẹ yọ
Ẹ yọ nínú Oluwa ẹ yọ!

Ẹ yọ tori On l’ Oluwa,
L’ayé ati l’ọrun pẹlu;
Ọrọ Rẹ bor’ohun gbogbo,
O l’agbara lati gbala.

‘Gbat’ ẹ ba nja ija rere,
Ti ọta fẹrẹ bori yin;
Ogun Ọlọrun t’ẹ ko ri
Pọ jù awọn ọta yin lọ.

B’okunkun tilẹ yi ọ ka,
Pẹlu iṣudẹdẹ gbogbo
Maṣe jẹ k’ọkan rẹ danu,
Sa gbẹkẹl’Oluwa, d’opin.

Ẹ yọ nínú Oluwa ẹ yọ,
Ẹ kọrin iyin Rẹ kikan;
Fi duru ati ohun kọ
Aleluya l’ohun goro’.

 

---