Uyu munsi narons’ indirimbo nziza

1. Uyu musi narons’ indirimbo nziza,
Yuzuye mu mutima wanje,
Ndanezerwa cane ndatazir’Imana,
Kukw’ari y’impay’ amahoro.

Ref
Yesu, mp’amahoro,
Ya yand’ ava ku Mana nyene,
Anyuzure mu mutim’ imyaka yose,
Naman’ urukundo rw’ Imana.

2. Amahoro nahawe na Yes’ Umwami,
Ndayazigamye ku mutima,
Naho hogir’ abanyag’ ayo mahoro,
Sinzopfa ndayahevye na mba.

3. None ndaruhutse neza ku mutima,
Kuko Yes’ari w’ anzigama,
Arandind’ivyangora kand’ivyantsinda,
Ku mutima har’ amahoro.

4. Umusi Yesu yatujanye mw ijuru,
Tuzomubon’ Imana yacu,
Turirimb’ indirimbo zo kumushima,
Tuzogir’akanyamuneza.

5. Mbega none wewe wabuz’ amahoro,
Ujany’ inzira ya Satani,
N’uze, Yes’ arakugirir’ ikigongwe,
Uc’uronk’amahoro nawe.

 

---

Yanyishuriye

1. Numv’ Umukiz’ ambwira
Ko mbuz’ inkomezi,
Ngo name ndamusenga,
Nta co nzomuburana.

Ref
Yanyishuriye ya myenda yose,
Yarampariy’ ivyaha Vyahinduts’ umweru.

2. Ni w’ afis’ inkomezi
Zibasha gukiza,
Zikiz’ ab’ imibembe,
Zigakiz’ umutima.

3. Nasa n’uwahwereye,
Mu mutima wanje,
Yesu yarawuzuye
Arawukomeza pe.

4. Imbere ya ya ntebe
Nzohagararayo
Nzojanay’ iminyago
Ndayihereze Yesu.

 

---

Yemwe Banyavyaha Mwe

1. Yemwe banyavyaha mwe,
Mwumv’ ijambo ry’ ubuntu:
Naho mwahavye rwose,
Krist’ ac’ abakir’ Ubu.

Ref
Muririmbe munezerewe
Krist’ arakund’ abanyavyaha,
Vug’ ubutumwa bose bumve,
Kukw abab’ abakir a.

2. Ni muz’ abaruhure,
Mwizer’ uwo Mukiza,
Naho mwanduye rwose,
Kukw abab’ abakira.

3. Ub’ umutima wanje
Ntukincir’ urubanza,
Uwanyejeje rwose
Yampfiriye ngo nkire.

4. Krist’ arakir’ ababi
Naho boba ruhebga,
None nogejw’ ivyaha,
Nzi ko nzoja mw’ijuru.

 

---