Jesus Hou My By Die Kruis

1. Jesus, hou my by u kruis,
Waar die heilfonteine
Vry met lewenswater ruis,
Helend smart en pyne.

Koor:
By die kruis, by die kruis
Sal ek Jesus lowe,
Totdat eens my lied verrys
Ewiglik daarbowe.

2. By die kruis, met skuld besmet,
Het ek eens gebewe;
Daar het hy my siel gered,
My geskenk sy lewe.

3. Deur u kruis, o lam geslag,
Ryklik begenadig.
Sal ek wandel dag na dag,
Deur geen leed beskadig.

4. By die kruis neem ek my stand,
Wagtend met vertroue
Tot geloof aan gindse strand
Oorgaan in aanskoue.

 

---

Jesus, Rots vir my geslaan

Je‍‍su‍‍s – Rots vir my geslaan
Laa‍‍t my nie verl‍‍ore gaan
U was self van G‍‍od verlaat
L‍‍aat U lyding – so‍‍nder maat
My t‍‍ot heil wees e‍‍n tot krag
T‍‍een die sondesku‍‍ld en mag

En ek self – wat ka‍‍n ek doen
Om my sonde t‍‍e versoen?
Sou my hart met y‍‍wer gloei
Sou my trane e‍‍wig vloei
Nog gebede, no‍‍g geween
Kan my red, Heer – U all‍‍ee‍‍n.

L‍‍eeg – net met my s‍‍ondelas
Hou ek U verd‍‍ienste vas
Ek kom om verg‍‍ewing vra
U het ook my sk‍‍uld gedra
U, geslaan tot H‍‍eilsfontein
W‍‍as my, Heiland, m‍‍aak my rein

H‍‍eer, my Rots, bo a‍‍lmal groot
Staan U vas in e‍‍lke nood
Trou van mense kom en gaan
M‍‍aar U bly on‍‍wrikbaar staan
Ew’ge Rots, U l‍‍aat ook my
V‍‍eilig, ewig in U bly.

 

---

Kom dank nou almal God

1. Kom, dank nou almal god
Met hart en mond en hande;
Loof hom wat wonders doen
Tot in die verste lande.
Van vroeg, van kindsbeen af,
Het hy ons trou bewaar
En tot vandag toe nog
Geseën en gespaar.

2. O God, so ryk en goed,
Gee ons solank ons lewe
Altyd ‘n blye hart;
As dit u wil is: vrede.
Laat u genade ons
Beveilig teen gevaar,
In donker ure ons
Van struikeling bewaar.

3. Lof, eer sing ons voor God,
Die bron van alle lewe –
Die vader, Seun en Gees,
Almagtig en verhewe.
Drie-eenge God, ons roem
U krag en majesteit.
O Heer, ons wil U noem:
Ons God in ewigheid !

 

---