Die Ou Ruwe Kruis 

Op ‘n heuwel daar ver staan ‘n ou ruwe kruis,
‘n Teken van skande en pyn;
Ek bemin die ou kruis, waar Gods dierbare Seun,
Vir ‘n wêreld van sonde moes ly

Refrein:
Ek bemin daardie ou ruwe kruis,
Tot ek voor Hom my skatte vertoon,
Ja ek klem aan die ou ruwe kruis,
En verruil dit eendag vir ‘n kroon.

O, die ou ruwe kruis, deur die wêreld versmaad,
Laat ‘n wonderbaar trek vir my naam;
Want die dierbare Lam het die hemel verlaat,
En Hy dra dit tot op Golgota.

In die ou ruwe kruis, so vol heilige bloed,
Is ‘n heerlik vooruitsig vir my;
Want aan daardie ou kruis, smaak my Heiland die dood,
Om vir my van my skuld te bevry.

Aan die ou ruwe kruis, bly ek altyd getrou,
Sy skande bring blydskap vir my;
Tot Hy my eendag roep, na my huis wat Hy bou,
Om vir ewig by Hom te kan bly.

 

---

Die vreugdelied wat engele sing

1. Die vreugdelied wat engele sing,
Het die boodskap oor Jesus aan herderd gebring.
Die goeie nuus, soos lank reeds voorspel,
Het ‘n engel dié nag aan die herders vertel.

Ref
Immanuel! Immanuel!
God kom verlos sy Israel!

2. Die lied wat al die engele sing,
is die boodskap wat vrede op aarde sal bring.
“ Aan God die eer!” weerklink daardie lied
wat die engele juigend Vol lof aan Hom bied.

3. Die goeie nuus wat engele bring,
is die boodska wat herders ook wyer laat kring.
Met herders wil ook ons nou getuig
en in dankbaarheid Oor ons Verlosser bly juig.

 

---

Dogter van Sion

Dogter van Sion, roep dit uit!
Sing hosanna, juig verblyd!
Kyk, jou Koning kom na jou,
Heer, Verlosser, Vriend getrou.
Dogter van Sion, roep dit uit!
Sing hosanna, juig verblyd.

Wonderbaar, Raadsman, Sterke God,
vol ontferming oor ons lot.
Heil die Koning! Vors wat kom;
hemel, aarde huldig Hom.
Wonderbaar, Raadsman, Sterke God,
vol ontferming oor ons lot.

Sondaar, dank Hom, luid jou stem!
Juig van vreug, Jerusalem,
Dawid Seun, so lank verwag,
is gebore, blye dag!
Sondaar, dank Hom, luid jou stem!
Juig van vreug, Jerusalem!

 

---