Pag-ibig ng Diyos ay dakila
1.Pag-ibig ng Diyos ay dakila
Kaysa maisasatula.
Lampas sa malayong tala
Sagad sa napakababa.
Unang pares ang nagkasala,
Hesus nama’y nagtubos;
Silang lahat pinagkasundo,
Pinatawad nang lubos.
Ref
Wagas na pagsinta ng Diyos
Tapat at di masukat!
Awit ng banal at anghel
Ay di makasapat.
2.’Pag panahon ay lumipas,
Kaharia’y magsibagsak,
Kapag tanan di manalangin,
Sa bundok ay magsitawag;
Ang pagsinta ng Diyos ay wagas
At di matitinag;
Mapanubos na biyaya
Kay Adam ’nilagak.
3.Ang dagat ma’y maging tinta,
Bawa’t sanga’y gawing pluma;
Ang langit ma’y maging panulat,
Bawa’t isa’y manunulat;
Ang dagat ay maiiga,
Langit ma’y kulang pa,
Kung isulat na talaga
Ang Kanyang pagsinta.
Kung bagyo sa buhay mo’y dumadalaw , At ang pag-asa’y waring napaparam,
Pagpapala ng Dios ay bilangin mo, Sisigla muli ang iyong espiritu.
Pigilin
Pagpapala niya’y bilangin mo, Pagpapalang kaloob sa ’yo.
Bawat pala na nakakamit, Kaloob ng Dios pagkat siya ’y pag-ibig.
May tinitiis ka bang karamdaman, Krus mo bang pasan ay may kabigatan
Pagpapala ng Ama ay bilangin mo, Puso mo’y mapupuspos ng awitin.
Kung iba’y nagtatamasa ng yaman, At ikaw nagdarahup magkaminsan
Tandaang higit ang kayamanan mo, Na ipinangako ni Jesu-Cristo.
Kung mabibigat ang suliranin mo, Dios nama’y hindi lumalayo sa iyo,
Angeles ng Dios sa iyo ay tutulong, Dahil sa mahal ka ng Panginoon.
Panginoon, maging katulad Mo
1. Panginoon, maging katulad Mo,
Ito’y aking asam, dalangin,
May galak iiwanan yaman ko,
Sakdal Mong wangis siya kong dalhin!
Ref
O Panginoon, makatulad Mo!
’Sing dalisay Mo, Manunubos;
Ang katamisan, katapatan Mo,
Sa ’kin puso’y iukit lubos!
2. Maging katulad Mong mahabagin,
Mapagpatawad, maibigin,
Iba’y tulungan, sila’y aliwin,
Makasalanan ay hanapin.
3. Maging tulad Mong mapagkumbaba,
Banal, matapang, walang dahas;
Dusa ay maamong binabat
Maghirap nang iba’y maligtas.
4. Maging tulad Mo palapit ako,
Nang matanggap pahid dibino;
Lahat nga ng sa akin at ako,
Mula ngayon ay pawang sa Iyo.
5. Maging tulad Mo sa aking samo,
Pag-ibig Mo’y puspusin ako;
Gawin akong templong tahanan Mo,
Angkop sa ’sang buhay Iyong gusto.