Wat ‘n Vriend Het Ons In Jesus

1. Wat ‘n vriend het ons in Jesus,
Hy wat in ons plek wil staan;
Wat ‘n voorreg om gedurig
Tot gods troon deur hom te gaan!
Hoe verbeur ons tog die vrede,
Ag, hoe dikwels ly ons smart,
Net omdat ons nie ons node
Uitstort in gods vaderhart!

2. As versoeking en beproewing,
Of as kwelling ons bedreig,
Laat ons nooit mismoedig word nie,
Laat ons bedes opwaarts styg.
Nêrens is ‘n vriend getrouer,
As hy wat ons node weet;
Jesus voel met al ons swakheid,
En wil deel in al ons leed.

3. Is ons swak, gedruk deur laste,
Onder kommer neergebuk,
Dierb’re heiland, onse toevlug,
O bevry ons weer van druk!
As ons vriende ons versaak het,
Soek ons in gebed die heer,
Aan sy boesem is ons veilig,
Hy vertroos ons keer op keer.

 

---

Wees Stil My Siel

 

---

Werk, want die Nag kom nader

1. Werk, want die nag kom nader,
Werk in die vroeë dag;
Werk as die dou nog glinster
In die blommeprag!
Werk in die helder môre,
Al is die son ook heet;
Werk, want die nag kom nader;
Werktyd ‘s afgemeet!

2. Werk, want die nag kom nader,
Werk deur die hele dag!
Vul elke uur met arbeid;
Eenmaal rus ons sag.
Laat elke korte oomblik
Lets vir hierna bewaar;
Werk, want die nag kom nader,
Dan is werktyd klaar!

3. Werk, want die nag kom nader;
Ver het die son gedaal!
Werk in die awendskadu,
Wyl die daglig faal!
Werk in die laaste strale,
Nooit daag die son hier weer;
Werk, want die nag word donker,
Dan geen werktyd meer.

 

---