Murapi Aripano

1.Murapi ari pano, chiremba wokudenga,
Wauya pasi pano korapa mwoyo yese.

Korus
Zita rakanaka, ngatimuimbire,
Ndwiyo dzeupenyu Jesu Tenzi wangu.

2. Zvitadzo anobvisa, izwanyi izwi rake,
Fambanyi zvakanaka, muite kuda kwake.

3. Hapana rimwe zita kunaka kunga Jesu,
Radzinga kutya kwangu, ndokudza zita rake.

4. Vacheche nepwere vanoda zita rake,
Vanonzwa izwi rake, vanoda basa rake.

5. Uyanyi, vashamwari, kudzanyi zita rake,
Tauranyi ngerurimi zvikomborero zvake.

6. Kudenga tikasvika, tichazoona Jesu,
Nekuimbira Jesu, navanhu vekudenga.

 

---

Musandipfuura Jesu

1. Musandipfuura, Jesu, ndinochema ini,
Mukakomborera vamwe, musandipfuure.

Chorus
Jesu Tenzi, ndochemera imwi,
Mukakomborera vamwe, musandipfuura.

2. Ndinotenda imwi, Jesu, mwakandinunudza,
Ndanga ndiri kufa, ini, muzvitema zvangu.

3. Ngandipiwe mwoyo m’chena wekumufarisa,
Ndinomukumbira, Tenzi, ngandikomborerwe.

4. Ngerunako rwenyu, Jesu, ndomutsvaka zvino,
Mwoyo wangu ngaurapwe, ndoda kuponeswa.

5. Ropa renyu ngarikudzwe, rindishambe nhasi,
Muri mununuri imwi, mwakandinunura.

6. Muri tsime yeupenyu nerufaro rwese,
Ngandiinwe iyi tsime, ndine nyota huru.

7. Imwi munonyararidza mwoyo wangu uyu,
Pasi pano nokudenga, muri Tenzi wangu.

 

---

Ndakakufira Kare

Ndakakufira kare
Ndakuripirawo
Ugozosunungurwa
Upiwe upenyu
Ndakakufira iwe
Wakandiitirei?
Ndakakufira iwe
Wakandiitirei?

Ndakakutamburira
Makore panowo
Ugozondofadziwa
Kudenga ikoko
Ndatamburira iwe
Wakandipei here?
Ndatamburira iwe
Wakandipei here?

Ndasiya Bambo vangu
Mufaro naiwo
Kuuya pane nhamo
Urombo, rufuwo
Ndakakusiyira zvose
Wakandisiyirei?
Ndakakusiyira zvose
Wakandisiyirei?

Bva ndakakuvigira
Ndichibva ikoko
Chengeto yakazara
Norudo rwanguwo
Ndakuvigira zvose
Wakandivigirei?
Ndakuvigira zvose
Wakandivigirei?

Umupe mwoyo wose
Upenyu hwosezve
Zvisungo zvidamburwe
Upiwe rugare
Dorash zvako zvose
Uchingotenda SHE!
Dorash zvako zvose
Uchingotenda SHE!

 

---