Pedro No’muchinjikwa
Jesu ndisededzei
Pedyo nom’chinjikwa
Patsime rinokosha
Rinorapa vose.
Ref
Ipo pam’chinjikwa
Ndichakudza Jesu
Dakara mweya wangu
wawana zororo.
Pedyo nomuchinjikwa
Rudo rwandiwana;
Nyamatsatsi yedenga
Yandivhenekera.
Pedyo nomuchinjikwa,
Gwayana raMwari.
Yamurai ndifambe
Ndichiutondera.
Pedyo nomuchinjikwa
Ndinozorindira:
Ndichivimba dakara;
Ndiwane zororo.
Tora Zita Rake Jesu
Tora zita rake Jesu
Ngeurombo hwako hwese,
Rinokupa simba rake
Rokukunda zvirunziro.
Korusi:
Zita rake rakanaka,
Mwenje wedu pasi pano,
Zita rake rakanaka,
Mwenje wedu pasi pano.
Jesu ndimurwiri wedu,
Ndiye simba redu rese,
Tinokunda zvakaipa
Nero zita rake Jesu.
Kunzwa zita rake Jesu
Tinonyararidzwa kwazvo,
Tinopfugamira pasi
Mwoyo inomuombera.
Mwoyo yadziyirwa kwazvo
Kunzwa zita rake Jesu,
Uyo wakatitambira
wakatipa mwoyo mitsva.
Iro zita rake Jesu,
Rinotipa runyararo
Ndizvo ngatiritondere
Nzvimbo dzese tinoenda.
Tsitsi dzinondishamisa
Tsitsi dzinondishamisa
Dzakandiponesa.
Ndakange ndisingaone
Zvino ndaoneswa.
Tsitsi dzinondishamisa
Dzakandishingisa.
Ngetsitsi dzake ndasukwa
Zvino ndaponeswa.
Mudambudzo repanyika
Ndine Mugondeki.
Ndichazofamba kuenda
Kum’soro kudenga.
Ishe wakanditsidzira
Rufaro kudenga.
Jehova ndiye M’chingeti
Muupenyu hwepasi.