Idalannac

Idalannac diac maiwawa
Uray adinno’t papanac
Ta imam Dios iturong nac
Ammoc a ti Dios idalannac.

Koro:
Idalannac idalannac
Ta imam Dios idalannac
Daytoy ovejas a siiliw
Agtalinaed to kenca.

Uray nasipnget ti dalan
Wenno kas Eden naraniag
Uray nam-ay wenno rigat
Ammok a ti Dios idalannac.

Diosco ta imam kumpetac
Sie-emma a sumurotac
Napeggad man ti pagnaac
Ammoc a ti Dios idalannac.

Inton aramidco’t malpas
Gapu’t caasim a makitac
Ta nagballaigi nga imbag
Ingga’t patay idalannac.

 

---

Idatonyo dayta biagyo

1. Idatonyo dayta biagyo, Ta masapul ti Apo
Pisat’ kinaatutubo, Kenkuana iserbiyo;
Isu ti ulidantayo, Ni Jesus a Mannubbot,
Biagna ti inna indaton, a gapu kadatayo.

Koro
Idatonyo dayta biagyo Ta masapul ti Apo;
Amin a kabaelanyo, Kenkuana iserbiyo.

2. Awatenyo siraragsak, Kaunggan ti pusoyo
Tumulong kay ngad Kenkuana, Mangirupir ti pudno
Itdenyo kas ti pannangtedna, Bugbugtong nga Anakna,
Agragsak agyaman kayo, Dakkel unay ayatna.

3. Dikay bumdeng a mangyawat, Biagyo no masapulna,
Biagna met ti inyawatna, Basoltay sinubbotna;
Gloriana ti inna Binay-an Ditoy lubong bimmaba,
Pagdayawtay ngad Kenkuana, biag ken amin a pigsa.

 

---

Idiay Krus

Dios ko ‘yasidegnak krus, Idiay sibay ubbog
Makaagas nga ayus, pusuak pusom Hesus.

Koro
Idiay Krus, Idiay Krus, yan ragsak toy pusok
Inggat’ innak magun-od, inanak ken Hesus.

Nupay managbasolak, asi sinaraknak
Ti naraniag a baggak, sinallukobannak.

Ti krusmot’ pagurayak, isu’t yan namnamak
Ingganat’ makagtengak, diay naslag a siudad.

 

---