Singpet Ken Dara Ni Cristo
Singpet Ken Dara Ni Cristo
Ti pagtalgedan toy puso;
Naganna la ti turongec,
Iti tao diac agtalec.
Ref
Ni Cristo a Batot’ yanco,
Lab-og sabali a disso,
Lab-og sabali a disso.
No di makitat’ rupa na,
Pagcamatalcac graciana;
Iti nadawel a bagyo
Ti taringgawidco Isu.
Sapata, Tulag, Darana,
Iti peggad lingayendac;
No amin ti lawlaw lumned,
Ni Jesus cucuac A sarked.
Inton agunit’ trumpeta
Addaac Kencuana coma;
Pagkawesko ti singpetna,
Ket innacto ‘diay tronona.
Ta addan ni Jesus caniac
Ti biagcon naragsac awan ti pumadpad,
Ta addan ni Jesus caniac;
Nasilawanen nasipnget a cararuac,
Ta addan ni Jesus caniac.
Koro
Idi immayen ti Jesus
a nagtaeng ditoy pusoc;
Toy cararuac ragsacnat’ agburburayoc,
Ta addan ni Jesus caniac.
Awan caniacon ti pannacayaw-awan
Ta addan ni Jesus caniac;
Basolco naruayda ket inugasanna,
Ta addan ni Jesus caniac.
Maysa namnama icutac, wen pudno
Ta addan ni Jesus caniac;
Ul-ulep ti duadua dalanco, awandan,
Ta addan ni Jesus caniac.
Ti tay-ac ni patay saannac a maublag
Ta addan ni Jesus caniac;
Ti ruangan ti ciudad makitac nalawag,
Ta addan ni Jesus caniac.
Innacto agtaeng idiay ciudad a nar’niag,
Ta addan ni Jesus caniac;
Naragsac, wan naragsacac ti pannagnac
Ta addan ni Jesus caniac.
Ti ayatna inca bilangen
No ti panagbiagmo madanaganca
Iti panunotmo riribukennaca
Lagipem ti parabur ti singpetna
Adu nga ayat impaayna kenca
Coro:
Ti ayatna inca bilangen
Dios umuna kenca inca kitaen
Ti ayatna inca bilangen
Dackel a dungngona inca kitaen
No nadagsen unay ta awitmo
Nabanto’t carga nga binaclaymo
Lagipem ayatna ket mapucawto
Dayta danag ket ragsac sucatto
No dagiti gagayyemmo nabacnangda
Panunutem cari ni Cristo kenca
Lagipem ayatna ket maliwliwaca
Idiay langit cucuam awan inggana
Gapuna a no leddaangmo sumken
Lagipem ayatna a di agsarday
Dica agdanag Dios inca tumaclin
Adda kenca inggana’t gungunam dumteng
Ti Lirio Ti Tanap
1. Nasaracacon ni Jesus Gayyem a naimbag,
Isut’ kaimnasan itoy kararuak;
Ti lirio ti Tanap, napudaw naraniag,
Makapnek ayamuomna ken pintas.
No Umay ti riribuk, Isu ti Camangko;
Itdek Kenkuana ti amin a pagel, Alleluya!
Isu ti Lirio ti Tanap, Baggak ti agsapa,
Makapnek ayamuomna ken pintas.
2. Inawitna ti basbasol ken ladladingitko,
Iti sulisog Isut’ kalagko;
Dagiti Linulubongan naidiak amin idan,
Ditoy pusok ni Jesus ti agturay.
Uray lubong bayannak, ket mauyuyawak,
Ken Cristo dumanonakto diay Gloria; Alleluya!
Isu ti Lirio ti Tanap, Baggak ti agsapa,
Makapnec ayamuomnaken pintas.
3. Saanakto a baybay-an ken panawan ditoy,
No la ket tungpalek pagayatanna;
Apuy ti manglawlaw kaniak, awan kabutengko,
Mana ti pangpennekna ‘toy kararuak
Mapanakto idiay Gloria, Biag nga agnanayon,
Lugar ti di agpatingnga a rag-o; Alleluya!
Isu ti Lirio ti Tanap, Baggak to agsapa,
Makapnek ayamuomna ken pintas.
Ti Nagan A Napateg
1. Patgek unay a baliksen,
Ikanta ken ul-uliten;
Pusok inna paragsaken,
Ti naganna ni Hesus.
Koro:
Hesus, o! nagsam-iten,
Hesus di agbalbaliw;
Hesus inkam dayawen,
Naganmo a napateg.
2. Ayatek a nangnangruna,
Ta dakkel ti kaasina,
Kapuyko ti badanganna,
Ti naganna ni Hesus.
3. Liwliwaenna toy nakem,
Paragsaken na toy pusok;
Ladingit inna pukawen,
Ti naganna ni Hesus.
4. Awan ti makaibaga,
No kasanot’ kasam-itna;
O ikantak di mamingga,
Ti nagan ni Hesus.