Ti Tinapay Ti Biag
1. Itdem ti tinapay ti biag, Apo,
A maipaay itoy kararuak,
Kas pannangtedmo ‘diay dennat’ baybay
Kadagiti tao nabisinan.
2. Bendisyonam kad’ ti kinapudno,
Tapno isut taraonko, Apo;
Ken mangpukaw ti kinadakesko,
Ket talna ken ragsak masarakko.
3. Isuronak kad nga agbiag Kenka.
Kas panagbiag dagiti adalam;
Tapno ti sulisog pagballiggiak
Gapu Kenka, O Mangisalakan.
Umayka, Mannakabalin nga Ari
Umayka, Mannakabalin nga Ari
Dios Ama naasi, Tulong itdem kadi;
A mangdayaw, Dios a nagloriaan,
Sika ti mangaywan, Natan-ok naganmo ti inaldaw.
Dios Anak naayat,
Inkakad’ ipangag ‘toy kararag;
Bendisyonmo ngarud, Asim di mabubos,
Urayenmi Jesus a magun-od.
Espiritu Santo,
Liwliwa ken dungngo ti itedmo;
Sika ti agari iti puspusomi,
Sika ti napili, a kiredmi.
Personas talloda,
Trinidad nangina, Maymaysada;
O Dios a nabileg Dayaw inkam itden
Kenka inkam amin a tumaklin.