Aramidennac cad’ O Apo

1. Aramidennac cad’ O Apo
Cas mayalubog ti nakemmo;
Ta Sicat’ nangted itoy biagco,
Siurayac iti cayatmo.

2. Agraemac iti sangoanam,
Casasaadco imatangam;
Basbasolco cad’ ti ugasam,
Tapno dumaldalus daytoy biag.

3. Sicsica la ti umdas, Apo,
A mangted natalna a puso;
Macaagas ‘ti nasakitco,
Ken mangpunas ‘ti ladingitco.

4. Pagbalinennac cad’ O Apo,
A natulnog nga adipenmo;
Espiritum ti itdem caniac,
Ket tagicuaem cad’ daytoy biag.

 

---

Bumilegkay ken Jesus

Bumilegkay kenjesus soldados itikrus,
Wagayway ingatoyodikay ilusulos,
Manipud ken balligi, ti buyotna magna,
Ket kabusor mapasya, Ni Cristot’ Apoda.

Bumilegkay ken Jesus, umayab trumpeta,
Napigsa ti dangadang, rummuarkayo ita,
Dakay a tattaona, inakayo sumango,
Natured ken napigsa makibakalkayo.

Bumilegkay ken Jesus, isut`pagtalkanyo.
Agsadagkay kenkuana, isu ti pigsayo,
Ebanhelyo`t bilegyo, inkay agkararag,
No umay iti peggad dikayto agamak.

Bumilegkay ken Jesus, bakal din agbayag,
Ita ungor ti gubat, balliginton bigat.
Itinto agballigi, maikkan balangat.
Agtaengto ‘diay langit agnanayon a biag.

 

---

Dakay Angheles ti Gloria

Dakay Angheles ti Gloria, umaykay ditoy daga,
Ta umayyo ipadamag, nayanaken ti mesias,
Umaykayo, agdaydayaw, ti ari dayawentay.

Pastores agbanbantayda, agaywan karneroda,
Pagamoan linawaganna, daydi disso nga yanda,
Umaykayo, agdatdayaw, ti ari a nayanak.

Sasantos ur-urayenda, nabayagen yaayna,
Idi kuan, isu bimmaba, nagraniag kadakuada,
Umaykayo, agdaydayaw, ti ari a nadiosan.

 

---