Adda Maysa Nasaracac
Adda Maysa Nasarakak, Gayyem a napnuan ayat, Arpadna inyasidegnac, Ket Sali metmetannak; Ti ayatna ingget irut, Binaludna toy pusoc, Cucuianac ket isu met cuac, Ingganat’ tungpal toy biag. Gayyem nga intednat’ biagna, Tapno siak maispalna; Toy biagco intednat caniac, Ket biagnat’ naisucat; Toy biag saanco a cucua, No di ti nangted caniac, Pusoc, pigsac ken toy met biag, Cucuana di agressat. Gayyem nga ingget imbagna. Masirib ken naemma, Managsakit napigsa, Ayatnat’ naiduma; Nga uray no siasinoman, Biag wenno uray patay. Kencuana diak maipusay, Cucuanac di agsarday.
Agragsak Ka Itan Lubong
Agragsacca itan lubong
Ti arimon adtoy
Ket mangisagana ngarud
Saad a natan-oc (x2)
Saad, saad a natan-oc
Ari a nailangitan
Intay nga’d cantaan
Ti umaweng nga agcallingang
Timec nga agsacnap (x2)
Timec, timec nga agsacnap
Basol di agturay coma
Lunod a naiccat
Ta ti lubong bendicionam
Ti rag-o ken ayat (x2)
Ti rag-o, ti rag-o ken ayat
Ti lubong iturayanna
Suruten ti Ama
Ti dayaw ken lintegna
Ken ti paraburna (x2)
Ken ti, ken ti paraburna
Agtakdarek Cari Ni Cristo
1. Agtakderac Kari ni Jesu Cristo,
Iti agnanayon idaydayawco;
“Gloria diay Cangatoan,“ ti icancantac,
Agtacderac iti Carina.
Coro:
Agtacderac, Agtacderac ti Cari ni Cristo caniac;
Agtacderac, Agtacderac ti Carina caniac.
2. Agtacderac Kari ni Cristo caniac,
Uray umay ti bagyo diac agdanag;
Gapu ti Sao ti Dios agballigiac,
Agtacderac iti Carina.
3. Agtacderac Kari ni Cristo caniac,
Ta Isu naasi ken naayat unay;
Inaldaw itdennat’ balligi caniac,
Agtacderac iti Carina.
4. Agtacderac Kari ni Cristo caniac,
Saanacto a maiwawa iti biag;
Ngem iti barucongna aginanaac,
Agtacderac iti Carina.
Amin Jesus Idatonco
Amin, Jesus, idatonco
Puso ken daytoy met biag
Inaldaw Sicat surotec
Maymaysa a pagtalcac
Coro:
Awatem, Jesus,
awatem amin
Toy Biagco innac idaton
Wen, itdec amin
2. Amin, Jesus, idatonco
Sica lat pagrucbabac
Daytoy lubong tallicudac
Mannubbotco accoennac
3. Amin, Jesus, idatonco
Kenca, ket awatennac
Espiritum iparicnam
Ti caaddana caniac
4. Amin, Jesus, idatonco
Yawatco daytoy puso
Punnoennac iti ayatmo
Ken bendicion nga adu
5. Amin, Jesus, idatonco
Ta salacan intedmo
Paraburnat nagcaadu
Gloria, Gloria, diay ngato