Kami’y Buhayin

Purihin ang Dios at bugtong na Anak,
Na namatay atsa langit ay umakyat.

KORO:
Hallelujah! Iyong gloria,
Hallelujah! Amen!
Hallelujah! Iyong gloria,
Kami’y buhayin. AMEN.

Purihin ang Dios na lumiliwanag,
Sa kadiliman si Hesus inihayag.

Puri’t luwalhati sa Cordero ng Dios,
Sa sala’y nagligtas, luminis na lubos.

Puri’t l’walhati sa Dios ng biyaya,
Na bumili at sa atin ay nagpala.

Muli kaming buhayi’t puso’y pun’in,
Ng pag-ibig apoy ay papagningasin

 

---

Karangala’t Papuri

Karangala’t Papuri
Ang pinararating;
Awit ng aming labi’y
Hosanang kay lambing!
Ika’y Hari ng Israel,
Anak ka ni David.
Sinugo ka sa amin;
Kaligtasa’y hatid.

Ang bayan Mong hinirang
Sa ‘Yo’y umaawit
Luwalhati’t papuri
Ang pinababatid;
Ang pagpapasalamat
Hindi napapatid;
Sa ‘Yo’y O Manunubos
Na nagpakasakit.

Ang alay na papuri
O Hari tanggapin;
Galak at pagpapala’y
Igawad mo sa ‘min.
Hindi makalilimot
Bayan Mong tinubos;
Sa langit lang malulubos
Ang papuri Hesus.

 

---

Kasama ni Hesus ako ay papasyal

1.Kasama ni Hesus ako ay papasyal,
Kung sa’n namumulaklak o bumubukal;
Susundin ko ang tahak ng aking Patnubay,
Hanggang kamtan ko ang putong ng buhay.

Ref
Sunod, sunod, susunod kay Hesus!
Saan man Niya dalhin, ako’y susunod!
Sunod, sunod, susunod kay Hesus!
Kahit saan man ako ay susunod!

2.Kasama ni Hesus ako ay susulong,
Kahit bumabagyo man o umaalon;
Kamay Niya ang aakay, wala akong kaba,
Wala nang panganib kung malapit Siya.

3.Maging sa patag o nasa kabundukan,
Ang kaluluwa ko’y Kanyang iingatan;
Siya ang nangunguna sa aking daraanan,
Hanggang kamtan ko ang kal’walhatian.

 

---