Jesus, hinigugma ko

1.Jesus, hinigugma ko,
Padangpa’s sabakan Mo,
Sa nagkadagkong balud,
Sa unos nagkakusog:
Tagoi, O Manlul’was,
Hangtud unos molabay;
Hilwas nga giyahan Mo,
O kalag ko dawata.

2.Way lain nga kadangpan,
Kasaligan’s kalag ko;
O ayaw ko’g biyai,
Lipaya ko’g tabangi.
Na’ Nimong pagsalig Ko,
Dad-on tanang tabang Mo;
Taboni ang ulo ko,
Sa landong sa pako Mo.

3.Ikaw ray gikin’hanglan,
Kay labaw Ka sa tanan;
Giayo Mong natumba,
Gidasig ang naluya.
Matarung, balaan Ka
Dili gyud ko matarung;
Dautan, puno’s sala,
Kamat’oran, grasya Ka.

4.Na’ Nimong daghang grasya,
Grasyang tabon’s sala ko;
Dad-i’s sapang mag-ayo,
Magputli nako’s sulod.
Tubod Ka’s kinabuhi,
Way bayad paimna ko;
Sa sulod ko magtubod,
Hangtud gayud sa hangtud.

 

---

Kang Cristo ta Motindog

Kang Kristo ta motindog
Sundalo ni Jesus;
Ituboy ang bandila,
Ayaw ipaagaw
Kanunay kadaugan,
Kon siya ang magamando,
Mawagtang ang kaaway,
Ug magpangulo siya.

Kang Kristo ta motindog
Kaaway suklan mo;
Sa grasya n’ya sumalig,
Kay naa niyang kusog.
Sa pulong nga langitnon
Kanunay’ng magasul-ob,
Ug sa kaisog asdang,
Labani si Jesus.

Kang Kristo ta motindog
Ang takna hapit na;
Gubaton tang kaaway,
Hangtud sa pagdaug.
Ang mga mananaug
Sa hari koronahan,
Unya uban kaniya,
Mohari man kita.

 

---

Kini nga kalibotan Iya’s akong Amahan

Verse 1
Kini nga kalibotan iya’s akong Amahan
Ug sa tanang kinaiyahan
S’ya lang ang kantahan
Naghunahuna ko kabahin’s Iyang buhat
Kakahoyan ug kalangitan
Ug ang halapad nga dagat

Verse 2
Kini nga kalibotan iya’s akong Amahan
Kalanggaman ug kabulakan
Nagdayeg sa tigmugna lang
S’ya ang gihimaya sa tanang katahoman
Iyang tingog akong nadungog
Diha’s iyang kamugnaan

Verse 3
Kini nga kalibotan iya’s akong Amahan
Bisa’g daghang mga kadautan
Si Jesus pay Hari’s tanan
Dinhi’s kalibotan, aduna pay gubat man
Hangtod’s Cristo modala nato
Ngadto’s Iyang gingharian.

 

---