Jesus Ipaduol ko sa Krus

Jesus Ipaduol ko sa Krus
Sa krus mong namat’yan
Diin gipaaga mo’ng
Tubig sa kal’wasan.

Ref
Nianang Krus, Nianang Krus.
Dugo mo giula
Hangtud mulahotay ko
May kal’wasang dayon.

Hinumduman ko gayud
Ang imong pag-antus
Nga tungod sa gugma mo
Ako may kal’wasan.

Mohulat ako O Dios
Sa imong pagbalim
Hangtud akong matabok
Ang Subang mangitngit.

 

---

Jesus ko, Ikaw ang gihigugma nako

Jesus ko, Ikaw ang gihigugma nako
Tanang sala buhian ko alang Nimo
Ang akong manunubos, Ikaw ang akoa
Kining taknaa, Ikaw ang Dios akong gugma

Nahigugma ko Nimo tungod’s gugma Mo
Ikaw ang nagpalit’s kapasayloan ko
Ikaw ang nagsuot sa tunokon nga korona
Kining taknaa, Ikaw ang Dios akong gugma

Diha’s kinabuhi ug sa kamatayon
Ako mahigugma pa Nimo gihapon
Ug hangtod’s kataposan pagadaygon pa Ka
Kining taknaa, Ikaw ang Dios akong gugma

Kung naa na ko diha’s kahimayaan
Ikaw ang simbahon hangtod’s kahangtoran
Kantahon nako samtang magsuot sa korona
Kining taknaa, Ikaw ang Dios akong gugma

 

---

Jesus, hinigugma ko

1.Jesus, hinigugma ko,
Padangpa’s sabakan Mo,
Sa nagkadagkong balud,
Sa unos nagkakusog:
Tagoi, O Manlul’was,
Hangtud unos molabay;
Hilwas nga giyahan Mo,
O kalag ko dawata.

2.Way lain nga kadangpan,
Kasaligan’s kalag ko;
O ayaw ko’g biyai,
Lipaya ko’g tabangi.
Na’ Nimong pagsalig Ko,
Dad-on tanang tabang Mo;
Taboni ang ulo ko,
Sa landong sa pako Mo.

3.Ikaw ray gikin’hanglan,
Kay labaw Ka sa tanan;
Giayo Mong natumba,
Gidasig ang naluya.
Matarung, balaan Ka
Dili gyud ko matarung;
Dautan, puno’s sala,
Kamat’oran, grasya Ka.

4.Na’ Nimong daghang grasya,
Grasyang tabon’s sala ko;
Dad-i’s sapang mag-ayo,
Magputli nako’s sulod.
Tubod Ka’s kinabuhi,
Way bayad paimna ko;
Sa sulod ko magtubod,
Hangtud gayud sa hangtud.

 

---