O Nasiak nga Bato

1.O nasiak nga Bato,
Patagoa’s sulod Mo;
Dugo’g tubig niagay,
Sa kilid Mong gidughang,
Dobleng pag-ayo’s sala,
Luwasa’s gahum’s sala.

2.Dili ang paghago ko
Ang magtuman’s sugo Mo;
Bisan di mopahulay,
Luha ko sigeng agay,
Di ’ni magpala’s sala,
L’wasa gyud ko’s grasya Mo.

3.Kamot ko walay dala,
Krus Mo m’oy saligan ra;
Hubo, ako bistihe,
Way mahimo, grasyahi,
Hugaw, adto’s tuboran,
Hugasi, kay mamatay.

4.Kon ginhawa mohunong,
Mga mata mopiyong,
Moadto’s wa masayri,
Moatubang’s hukmanan,
O nasiak nga Bato,
Patagoa’s sulod Mo.

 

---

O Tubod sa Panalangin

O Tubod sa panalangin,
Kini akong hangyo ra:
Ang akoang kasingkasing,
Ipaduyog’s Imoha.
Tudloi ko nianang kantahon,
Sa pagdayeg sa Grasya Mo,
Aron akong pagadaygon,
Ang gugma Mo nga dako.

Gidala na ako dinhi,
Pinaagi sa grasya;
Ug sa sama nga paagi
Mouli ko’s Himaya;
Gipangita ko ni Jesus Cristo,
Sa dihang ako nawala;
Aron makaluwas nako,
S’ya mihatag’s dugo N’ya.

Pagkadako’s akong utang,
Ngadto sa Iyang grasya
Apan ang akoang dughan,
Dali mobiya Niya;
Itugot nga ang kamaayo Mo,
Mogapos na sa kalag ko,
Kini nga kasingkasing ko,
Itugyan na Kanimo.

 

---

Pagkabulahan ko gayud

Pagkabulahan ko gayud
Kay gimando-an ko sa Dios
Ug bisan unsay buhat ko
Kanunay’ng naga mando S’ya.

Ref
Nagmando S’ya Nagmando S’ya
Nagmando’ng Iya mga kamot
Kanunay’ng sundon ko Siya
Kay S’ya gayud nagmando man.

Usahay dunay kaguol
Usahay malipayon man
Kalinaw o sa kaguol
Gimandoan ako sa Dios.

Mga kamot Mo kuptan ko
Agakon Mo ako O Dios
Sa buhat ug pagpanaw ko
Kanunay’ng nagamando Ka.

Kung buhat ko matapos na
Kung pagdaug makab-ot ko
Bisan kamatayon pa
Pagmandoan Niya ako.

 

---