Aie au a aie hou
1. Aie au a aie hou,
A luuluu wale au,
Make Iesu a kaa no,
Kaa kuu aie a pau.
Cho.
Kaa no ia Iesū
Kuu aie a pau ;
Make Iesu a kaa no,
Kaa kuu aie a pau.
2. Iho oia ma ke ao
No kona aloha ia’u,
Lilo kona ola no’u
A kaa ka aie o’u.
3. Imi au a luhi pu
I kaa ka aie o’u,
Pane mai la kuu Iesū,
“Na’u e hookaa a pau.
4. Waihoia ka pono ou
He pono make no,
Ma ka pono o Iesu,
E kaa ka aie ou.
5. Aole waiwai lawe ou
E kaa ai kau aie,
O ke koko o Iesu
Ka waiwai e kaa ai.”
6. Pili au i kuu Iesu,
Ua kaa ka aie o’u,
A e loaa ka waiwai no’u,
Ka waiwai oia mau.
Betelehema Iki e
Betelehema iki e
Ke ʻike nei mākou
Kou moe ʻana i ka pō
Paneʻe aʻe na hōkū
Laʻela’e no kou mau ala
Ka lama e ola ai
Ka liʻa ka weli o na kau
Aia no me ʻoe
Hanau ʻia ʻo Kristo
A hui aʻe ko ō
Moe ko ke ao a kiaʻi mau
Na ʻānela maikaʻi
Nānā pono aloha
Hui pu na hōkū ao
Kukala aʻe ʻoukou
A mililani i ke Akua
He malu i kanaka
E Hele Mai `Oukou
E hele mai `oukou
Ka po`e mana`o`i`o
E hele hau`oli i Betelehema
Hele mai a `ike
I ka Mo`i hanau hou.
Ref
Ho`onani kakou Ia ia
Ho`onani kakou Ia ia
Ho`onani kakou Ia ia
Kristo ka Haku.
Ka lama i`o
Mai ka Lama mai
He nani Ka hua a ka pu`u pa`a
Akua maoli i hana `ole i`a.
E Iesu Ka Mohai No’u
E Iesu ka mohai no`u
Holo au i loko ou
Kahe mai kou koko mau
Me ka wai mai kou aoao
Oia no ka punawai
Kahi a`u e ma`ea`ai
Ina uwe waimaka wau
Ina ho`oikaika mau
Aole oia he mohai
No ka hewa e pau ai
Oe ke hoola nei
Aole mohai hala e
I ku`u wa e ola nei
I ku`u wa e make ai
A pi`i a`e i kela ao
A nana i kou nani mau
E Iesu ka mohai no`u
Holo au i loko ou