E Iesu Ka Mohai No’u
E Iesu ka mohai no`u
Holo au i loko ou
Kahe mai kou koko mau
Me ka wai mai kou aoao
Oia no ka punawai
Kahi a`u e ma`ea`ai
Ina uwe waimaka wau
Ina ho`oikaika mau
Aole oia he mohai
No ka hewa e pau ai
Oe ke hoola nei
Aole mohai hala e
I ku`u wa e ola nei
I ku`u wa e make ai
A pi`i a`e i kela ao
A nana i kou nani mau
E Iesu ka mohai no`u
Holo au i loko ou
E kai oe, e Iehova
1. E kai oe, e Iehova,
I kou nialihini nei;
Maule au, a mana oe,
Na kou lima e paa mai: E ka Mane,
Hanai ia’u a maona mau.
2. Wehe mai i kumu ola
E hu ai ka wai maikai;
Haawi mai i kou aloha
I paku, i alakai ; Kuu Hoola,
E hoolanakila mai.
3. Aia ku ma Ioredane,
Hoonana i kuu makau ;
Hoopae ae i kuu uhane
Ma ia kapa malu mau ; Haleluia,
«Nou kuu mele oia mau.
E na keiki a ke Lii
1. E na keiki a ke Lii,
Naue me ke mele ae,
Mele aku ia Iesu,
Mele i kona nani mau.
2. Naue i ke ao maikai,
Me na kaula mamua ae,
Noho pono ola mau,
Hoohalike i ola pu.
3. Oli e na pokii nei,
Naue i kahi o ke Lii,
Kahi noho no oukou,
Ma ke aupuni o Iesu.
4. Mai makau, kokoke mai
Ko ka lani pomaikai,
Kena mai Iesu ke Lii,
Naue wiwo ole ae.
Eu, na koa o Iesu
1. Eu, na koa o Iesu ;
Me ka oi e kukuku ;
Hele like, hahai pu
Ia Lunakanawai :
Oia ke ‘Lii no oukou ;
Kei ka pono ona no,
Kau nia ko oukou mau poo
I lei e nani ai.
2. Lanakila kainahao !
Auhee ia ia ko ka po ;
Hee ka lua-kupapau
I kona kea e :
No oukou ia alakai,
Ke ‘Lii lanakila ai,
Kei ka Alihi akamai !
Puukaua mana nei !
3. Eu, na koa waeia nei,
Pale i na enemi ;
Paio ma ka pololei
Mamuli o Iesu ;
Ma ka lani lelepau ;
Hehi ae i keia ao ;
Kaua no ke aupuni mau,
A lanakila pu.
4. Hoouka, e na koa laa ;
Kinai ae i na kina ;
Emi, pio ka aia
0 lalo o ke ao ;
Hee Satana, e pau e —
Hoi oukou a kau na lei —
Mele lanakila ae
I ke ‘Lii ola mau.
Hamau E Na Kanaka
Hamau e na kanaka
Mele mai na ʻānela
Eia ke ʻLiʻi hanau hou
E hoʻonani aʻe ʻoukou
Malu no ko lākou nei
E hauʻoli hoʻomaikaʻi
Ke Akua ko ke ao
Kuʻikahi pū lākou
Ke Akua ko ke ao
Kuʻikahi pū lākou.
ʻOli aʻe na ʻāina apau
ʻOli pu me kēlā ao
E haʻi aʻe mai ʻo aʻo
Iesu ke ʻLiʻi no kākou
Hele mai ka lani mai
Hānau ʻia no maʻaneʻi
No kākou i hānau hou
A loaʻa ke ola mau
No kākou i hānau hou
A loaʻa ke ola mau.
E aloha ke ʻLiʻi mau
Ke ʻLiʻi pono no kākou
Lama ola malu no
No ko keia ao apau
Mele me na kanaka
Mele me na ʻānela
Eia ke `Li`i hanau hou
Pōmaikaʻi a malu mau
Eia ke ʻLiʻi hānau hou
Pōmaikaʻi a malu mau.