Ammok daydiay pinatik

1. Apay ngata a ni Jesus
Impaayna kaniak
Grasyana a di mabusbos
Ket insalakannak.

Coro:
Ngem ammok met daydiay pinatik,
Ket namnamaek, A mabalinna
Nga idulin, salakniban
Aginggat’ panungpalan.

2. Apay nga intedna kaniak
Pammati mangispal
Ket ti napateg a Saona
Pusok talnat’ yegna.

3. Diak maawatan no kasano
A ti Espiritu
Balbaliwanna ti puso
Agtulnog ken Cristo.

4. Diak ammo no inton ano
Ti yaay ti Apo,
No mapanakto sumabat
Wenno agurayak

 

---

Apo Kukuanak

Apo kukuanak timekmot’ denggek, Ayatmo ti surotek,
Ngem umad-adda komat’ pammatik, A kenka maiyasideg

Refrain
Yasidegnak kabi O apo, iti denna ti krusmo;
Yasidegnak, Yasidegnak kad’ Apo, Arpad dayta bakrangmo.

Alaennak nga agserbi Kenka, O Apo a namarsua;
Toy karauak koma mangnamnama, Kayatmo matungpaida.

Naragsakak ti inuran oras, No ti sangom addaak;
Agparintumengak nga agdawat, Kenka makikaysaak.

Adda ayat a diak pay naammuan, No diak Kenka kumamang;
Adda ragsak a diak maragpatan, Inggat’ Sikat’ pagtalkan.

 

---

Aramidennac cad’ O Apo

1. Aramidennac cad’ O Apo
Cas mayalubog ti nakemmo;
Ta Sicat’ nangted itoy biagco,
Siurayac iti cayatmo.

2. Agraemac iti sangoanam,
Casasaadco imatangam;
Basbasolco cad’ ti ugasam,
Tapno dumaldalus daytoy biag.

3. Sicsica la ti umdas, Apo,
A mangted natalna a puso;
Macaagas ‘ti nasakitco,
Ken mangpunas ‘ti ladingitco.

4. Pagbalinennac cad’ O Apo,
A natulnog nga adipenmo;
Espiritum ti itdem caniac,
Ket tagicuaem cad’ daytoy biag.

 

---