Jesus Ako Nagsaad

Jesus ako nagsaad, Kanimo pagsunod,
Paduol Ka kanako, Higala ko’ng mahal
Wala akoy kalisang Kong kuptan Mo ako,
Dili mahisalaag, Kong mando ko Ikaw.

Kanako ipabati Nga haduol ikaw,
Maanyag kalingawan, molit-ag kanako;
Magalibut kanunay Mga kaaway ko,
Jesus, duol kanako, Salipding kalag ko.

Mamati ko kanimo sa tinog malomo,
Batok sa ka-ilibgon ug akong pagbuot;
Sa tambag Mo lig-ona, kon magpadayon ba,
Isulti na kanako, Oh Magbalantay Ka.

Jesus, Ikaw nagsaad Sa tanang mosunod,
Nga didto sa himaya, Sila pagdad-on Mo;
Jesus, ako nagsaad Kanunay’ng magsunod.
Hatagan Mo sa grasya, higala kong mahal. Amen.

 

---

Jesus ko, Ikaw ang gihigugma nako

Jesus ko, Ikaw ang gihigugma nako
Tanang sala buhian ko alang Nimo
Ang akong manunubos, Ikaw ang akoa
Kining taknaa, Ikaw ang Dios akong gugma

Nahigugma ko Nimo tungod’s gugma Mo
Ikaw ang nagpalit’s kapasayloan ko
Ikaw ang nagsuot sa tunokon nga korona
Kining taknaa, Ikaw ang Dios akong gugma

Diha’s kinabuhi ug sa kamatayon
Ako mahigugma pa Nimo gihapon
Ug hangtod’s kataposan pagadaygon pa Ka
Kining taknaa, Ikaw ang Dios akong gugma

Kung naa na ko diha’s kahimayaan
Ikaw ang simbahon hangtod’s kahangtoran
Kantahon nako samtang magsuot sa korona
Kining taknaa, Ikaw ang Dios akong gugma

 

---

Jesus, hinigugma ko

1.Jesus, hinigugma ko,
Padangpa’s sabakan Mo,
Sa nagkadagkong balud,
Sa unos nagkakusog:
Tagoi, O Manlul’was,
Hangtud unos molabay;
Hilwas nga giyahan Mo,
O kalag ko dawata.

2.Way lain nga kadangpan,
Kasaligan’s kalag ko;
O ayaw ko’g biyai,
Lipaya ko’g tabangi.
Na’ Nimong pagsalig Ko,
Dad-on tanang tabang Mo;
Taboni ang ulo ko,
Sa landong sa pako Mo.

3.Ikaw ray gikin’hanglan,
Kay labaw Ka sa tanan;
Giayo Mong natumba,
Gidasig ang naluya.
Matarung, balaan Ka
Dili gyud ko matarung;
Dautan, puno’s sala,
Kamat’oran, grasya Ka.

4.Na’ Nimong daghang grasya,
Grasyang tabon’s sala ko;
Dad-i’s sapang mag-ayo,
Magputli nako’s sulod.
Tubod Ka’s kinabuhi,
Way bayad paimna ko;
Sa sulod ko magtubod,
Hangtud gayud sa hangtud.

 

---