Pai Maneni Ken Tendaktsur
Yisui tenyuba kensü ka,
Kü temulungjang nung lir;
Ni ne den lir tsübua teli;
Taküm wadang ajak nung.
Chorus
Yisu, Yisu, Yisu,
Tajung tiba nüng;
Nai kü mulung süngtsür,
Maneni ken tendaktsür.
Menen nung ni raksar liasü,
Shisa meputep ali;
Teraksaba yinzü endokja;
Pai kongshir ken tendaktsür.
Tzü tarok nung khen jajadang,
Tatitang jenti arur;
Lenmangji khen khen kanga tasak;
Pa tsüngsü nung jajar.
Asen agizüktsü Pa arur,
Anüng lenmang ajanga;
Memetetba lima ka dangi,
Pa den yimsü asütsü.
Pelatepang Kibur Arur
Pelatepang Kibur Arur, Chuba agizükang,
Ne mulung nung Pa lidakjang;
Kotak nung alinung Tenüngsang ken tenang
Ajak rongnung Pelatepangv
Pelatepang kümzükba lir, Ajaki ken tenang,
Ajak lima Ajak yim nung;
Tenüngsang ken tenang Tenüngsang ken tenang
Tsüngrem tenüng sang ken tenang
Joko timtem jashi mali, Ali timtem mali,
Temoatsü Pai agütsür;
Pa alima alu, pa alimai alu
Asen limai pa ken alu
Shiba dak amanger ni metet
Koda Pa süngmangtsü taochi,
Kü dang metetdaktsü;
Koda Khristai ni alangzük,
Ni metemsüaka.
Ref
Shiba dak amanger ni metet,
Aser kü mulung dangi ya arur,
Pa dak nungloktsüba mapa,
Pai ajak inyaktsüsa.
Kümtettsü tamang maparen,
Koda Pai agütsü;
Pa O amang nung tesünep,
Ni rajemtsü makok.
Tanelai temenen aitsür,
Laii Yisu sayur;
Aser tamang adokdaktsür,
Ni rajemtsü makok.
Pa arutsü ni memetet,
Mapangji kodangar;
Pa marujungi odisü,
Arudakang odir.
Sungjema Liang
1. O kibur yipru aitdagi, Tesashi tzusem aitdar;
Anung tammang agi sungdagi, Jenokdak akhum mali;
Samatsu mebilemtsur no? “Koda mejangteter?
Lendongji onsara nungtepdagi, Tzuji leper akumtsu.
Ref
Mopung o tzu nati ku o angar, Sungjemang,
Tzuyim yipru mopungi s’aka, Temenen tanelai, Ni sungi s’aka.
Anung aser ali Kibur rongji, Kecha tzu agi meyoktsu makok;
Parnoki ni mulungba ama sungjema alitsu,
Parnoki sungjema anentsu, sungjemangma.
2. Kibur mulung jashi agi, Tanu ni aputaker;
Ku mulungjang telunglen amsar, Sakang Nai ni kumzukang;
Menen shisa amsa tzulok, ku madak ayimer;
Oh, ni samar! Ni samari! Ku kibur, Oh arung ni kumzukang.
3. Kibur lendong piladagi, Tzusem yipru anener;
Tzuyim nungji anu yaliktsur, Kotak sangwaku dak lir
O ku meim kumtetdakba, Ku kija tetoktsu;
Tajung rongnendak tzuyim kum nungji, Pelaseta sungzukdi.
Tanebtsür Tulutiba
Tanebtsüsang anasa lir, Pa temeimba Yisu;
Mulung jashiba dangashir, Yisu ola angangma.
Ref
Tenyari tennuba nung,Nisungi tetshinuba;
Ken rongnung tajungtiba, Temoatsu Yisu.
Ne temenen ajak atok, Yisu ola angangma.
Tesünep nung kotaki oang, Yisu den korang semang.
Yisu sentsüwangshi süang, Tang ni Yisu amanger;
Ni Kibuba nüng meimer, Ni Yisu nüng meimer.
Pai kü tetsübu endoktsür, Ya Yisu tenüng nung dang;
Pa senti nüng angashidang, Kü nela koda pelar.
Tanela nung Sangwa
1. Kü mulung nung tesangwa lir, Sentsüprang tesangwa;
Anüng nung anü amaji, Yisu kü sangwa lir.
Ref
O tesangwa, sangwa tajung, Pela sunep kü dangi arur,
Yisu menerem tejaki, Kü tanela sangwatsür.
2. Kü mulung nung ken tajung lir, Kü Chuba nüngsang ken;
Kechi ken ni metenteter, Yisui angashir.
3. Kü mulung nung tepela lir, Imla, nüngsang, meim;
Pai agütsüba moatsü, Kotak nung rizünger.