Nomeko ho Anao
Nomeko ho anao, Ny rako masina,
Hanavotra anao, Izay tsy marina!
Ka dia mba inona izao No ahy taminao!
Ka dia mba inona izao No ahy taminao!
Heveronao ange, ny nisoloana anao;
Nangidy indrindra anie, ny nahazoana anao;
Hevero, ka lazao,lazao, izay mba nentinao
Hevero, ka lazao,lazao, izay mba nentinao
Izaho Tomponao, Nijaly mafy re,
Hanafaka anao, Mpanota lehibe:
Ka dia mba inona izao, No ahy taminao!
Ka dia mba inona izao, No ahy taminao!
Jesosy Tompo ô! Izao no teniko;
Atolotro ho Anao, Ny aiko sy ny fo;
Izany no isaorako, Anao Mpamonjiko
Izany no isaorako, Anao Mpamonjiko
Nafoiko ho anao, Ny zava-tsoa be,
Mba hanatonanao, Ny Raiko lehibe.
Ka dia mba inona izao No ahy taminao!
Ka dia mba inona izao No ahy taminao!
Ny vonjy lehibe, Nataoko ho anao,
Ny rako nitete, Hanadio anao;
Ka dia mba inona izao No ahy taminao!
Ka dia mba inona izao No ahy taminao!
Ny foko raisonao, Oneno hatrety,
Ataovy lapanao, Na eto na ary;
Dia tano aho, Tompo ô! Mba ho fanananao
Dia tano aho, Tompo ô! Mba ho fanananao
Ny eo akaikinao ry Ray
1. Ny eo akaikinao, ry Ray,
No mamiko izao,
Hanjary tena tafaray
Ny foko sy ny Anao
Soa re, ry Raiko ô!
Raha eo anilanao;
Ny hazo fijaliana
Ho tonga maivana.
2. Ny eo akaikinao, ry Ray,
No herin-janakao;
Hianao irery no mahay
Manampy ahy izao.
Soa re, ry Raiko ô!
Raha eo anilanao;
Ny ota tsy hanapaka
Ny olona afaka.
3. Ny eo akaikinao, ry Ray,
No mandako tokoa;
Ny ratsy dia tsy hahay
Handrombaka ahy koa.
Soa re, ry Raiko ô!
Raha eo anilanao;
Ny ora izay manjombona
Ho fiadanana.
4. Ny eo akaikinao, ry Ray,
No fifaliako izao,
Ny tanako dia hifandray
Amin’ny tànanao.
Soa re, ry Raiko ô!
Raha eo anilanao:
Fenoinao fanambinantsoa
Ilay kapoakako.
Ny foko ry mpamonjy
1. Ny foko, ry Mpamonjy,
Mangetaheta Anao ;
Maniry lalandava
Hikambana aminao !
Fiv :
Tsy afaka ao am-poko
Ny faniriana Anao ;
Oneno re ny foko
Ho lapanao !
2. Ny androm-pahoriana,
Raha lapanao ny fo,
Manjary fitahiana
Izay manadio ny fo !
3. Ny ora fifaliana
Raha ao anilanao,
Mamelom-paniriana
Hanao ny sitrakao !
4. Ho lao ny fahotako
Raha akaikezinao,
Tsy misy hadalako
Izay tsy afakao !
5. Finaritra ny saiko
Raha ipetrahanao,
Fa reraka ny aiko
Raha alavirinao !