Gjith’ Ju Qe Besoni

Gjith’ ju që besoni
Me gëzim t’ngadhnjy’sve
Shpejtoni, shpejtoni në Bethlehem.
Mbreti i engj’jve sot ndër ne ka lindur.

Refreni
Të shkojmë, ta adhurojmë,
Të shkojmë, ta adhurojmë,
Të shkojmë, ta adhurojmë
Jezusin Zot!

Vërtet Perëndia,
Drita e përjet’shme
Porsi një njeri pa mëkat e pa faj
Prej një virgj’reshe k’tu në botë erdhi.

Barinjtë në fusha
Tufat krejt i lanë
Që t’shkojnë ta kërkojnë shpëtimtarin tonë;
Dhe siç u thanë, në një grazhd e gjetën.

Dijetarët nga lindja
Mbretit prej së larti
I dhanë, i dhan’ ar dhe kem dhe mirrë.
Para k’tij mbreti krejt në gjunjë do t’bien.

Në stallë të thjeshtë,
Si një i vobektë,
Për ne, mëkatarët, ke lindur ti.
Ne sa të duam, ty që kaq na deshe.

Pra, kore të engj’jve,
Sot me këng’ t’lavdrueshme
Këndoni, këndoni në lartësi:
Lavdi në qiell i qoftë Perëndisë!

Ndër ne mirë se erdhe,
Mbret i porsalindur,
Jezus, o Jezus, ty të qoft’ lavdi!
Fjala e Atit sot ësht’ mishëruar.

 

---

Më tepër dashuri

Më tepër dashuri
Për ty, o Zot.
Kjo ësht’ dëshira që
Unë e kam sot.

Refreni
Unë kërkoj nga ti
Më tepër dashuri
Për ty, o Zot,
Për ty, o Zot!

At’ qejf që bota jep
Kërkoja unë,
Por unë tash të kërkoj
Këtu në gjunjë.

O pikëllim i butë,
Tek unë punofsh.
Prej zemrës sime, Zot,
Çdo gur largofsh.

At’ ditë kur frymën e
Fundit të jap,
Unë këtë dëshirë
S’do ta marr prapë.

 

---

Natë e shenjtë, natë e qetë

Natë e shenjtë! Natë e qetë!
Janë në gjumë njer’zit krejt
Vetëm Jozefi edhe Maria
Janë të zgjuar me të shenjtin fëmijë
Fli me paqen qiellore!
Fli me paqen qiellore!

Natë e shenjtë! Natë e qetë!
Ç’dashuri! Zoti vetë
Si një foshnjë na u zbulua
Plot hare për të na shpëtuar
Ja, Jezusi u lind
Ja, Jezusi u lind

Natë e shenjtë! Natë e qetë!
Ca barinj me të shpejtë
Lajmet e engjëjve i dëgjuan
Edhe në Bethlehem vrapuan
Shpëtimtari u lind!

 

---